मुड

भनिन्छ, नेपाल नाटक र रंगमञ्चको उर्वर भूमि हो । यो भूमिले सुनिल पोख्रेल, अनुप बराल, दयाहाङ् राई, विपिन कार्की, सृजना सुब्बा, सरिता गिरी, दिया मास्के लगायत सयाैँ रंगकर्मीहरूको इमान्दार पौरख पाइसकेको छ । र, त्यही भूमिमा आफ्नो सपना रोप्न र फुलाउन हजारौँ रंगकर्मीहरू युद्ध लडिनै रहेका छन् । त्यो युद्धमा कति शहिद बन्छन् त कति बादशाह ।

रंगमञ्चको यो अद्भुत संसारमा संघर्षरत अर्को नाम हो अंकित खड्का । हाल केन्द्रमै रहेर रंगकर्म गरिरहेका उनी सिन्धुपाल्चोकका हुन् । एक दशकको यात्रामा उनले 'माथापन्चरु', 'बैतर्णी क्याफे', 'झिम्के मामा', 'मितज्यू' लगायत दर्जन बढी नाटकहरूमा अभिनय गरिसकेका छन् ।

त्यस्तै 'डमरुको डण्डी बियो', 'हुर्रे', 'धर्ती पुत्र' लगायत ८ बढी चलचित्रमा उनको अभिनय रहेको छ । अंकितले 'जार' नाटकबाट रंगमञ्चमा पहिलो पाइला चालेका हुन् भने 'घामपानी'बाट नेपाली फिल्म इन्डस्ट्रीमा प्रवेश गरेका हुन् । त्यो बाहेक उनका सर्ट मुभी र म्यूजिक भिडियोहरू पनि छन् । सालिन, शान्त स्वभावका उनी मिलनसार र सहयोगी भावना राख्दछन् ।

उनै रंगकर्मी अंकित खड्का सँग 'द मार्जिन'ले गरेको कुराकानीको क्रममा उनको मुडलाई यसरी कैद गर्ने प्रयास गरेको छौँः