थप २१६४ कोरोनामुक्त, १८७५ संक्रमित

काठमाडौँ – नेपालमा पछिल्लो २४ घण्टामा थप २१ सय ६४ जना कोरोना संक्रमण मुक्त भएका छन् । त्यस्तै देशभर थप १८ सय ७५ जनामा कोरोनाभाइरस संक्रमण पुष्टि भएको छ । 

स्वास्थ्य तथा जनसंख्या मन्त्रालयले शनिबार दिएको जानकारी अनुसार बितेको २४ घण्टामा १० हजार ६६ जनामा परीक्षण गर्दा १८७५ जनामा संक्रमण पुष्टि भएको हो । यस्तै देशभर कोरोनाबाट थप २१ जनाले ज्यान गुमाएका छन् । 

यससँगै देशभर कोरोनाबाट हालसम्म मृत्यु हुनेको कुल संख्या ९ हजार ५२७ पुगेको छ। त्यस्तै हालसम्म कोरोना संक्रमितको कुल संख्या ७ लाख नाघेको छ । पीसीआर विधिबाट भएको परीक्षणमा हालसम्म ६ लाख ६५ हजार ८८६ जनामा संक्रमण पुष्टि भएको छ भने एन्टिजेन विधिबाट ४८ हजार ३६२ जनामा संक्रमण पुष्टि भएको छ । यस्तै हालसम्म संक्रमितमध्ये ६ लाख ३० हजार ४०७ जना निको भएका छन् ।