उपत्यकाका सिडिओको बैठक बस्दै, लामो दूरीका सवारी चलाउन दिने तयारी

काठमाडौँ – लामो समयदेखि भइरहेको लकडाउनलाई क्रमशः खुकुलो बनाउँदै लाने उपत्यकाका सिडिओहरूको कार्ययोजनाअनुसार भोलिदेखि लामो दूरीका सार्वजनिक सवारी साधन चल्न दिने तयारी भएको छ । उपत्यकाका तीन जिल्ला काठमाडौँ, ललितपुर र भक्तपुरका प्रमुख जिल्ला अधिकारी (सिडिओ)ले आज बस्ने बैठकले यस्तो निर्णय गर्ने भएको हो ।

लकडाउन खुकुलो भएको १० दिनपछि उपत्यकाका सिडिओले लामो दुरीको सवारी सञ्चालन दिन लागेको हो । तर अत्याधिक भिडभाड हुने क्षेत्र विद्यालय, सिनेमा हल, जिमखाना, स्वीमिङपुल, पार्टिप्यालेस, मठमन्दिरहरुको हकका पहिला कै नियम कायम गरिने बताइएको छ ।

लामो दूरीका सार्वजनिक सवारी चलाउँदा अनिवार्य रुपमा स्वास्थ्य प्रोटोकल अपनाएर गाडी चल्न दिने योजना रहेको छ । जोर–बिजोरका आधारमा चल्न दिने कि अन्य प्रावधानबाट चल्न दिने भन्नेबारे आज बैठकले निर्णय गर्ने छ ।