थप ३४५६ जना कोरोनामुक्त, २४४२ संक्रमित

काठमाडौँ – आइतबार नेपालमा ३ हजार ४ सय ५६ जना संक्रमणमुक्त भएका छन् । त्यस्तै, २४ सय ४२ जना संक्रमित थपिएका छन् । ६ हजार ६ सय ७७ पीसीआरबाट १४ सय २१ तथा ४ हजार २ सय ४९ एन्टिजेनबाट १ हजार २१ गरी परीक्षणको २२ दशमलव ३५ प्रतिशतमा संक्रमण देखिएको हो ।

स्वास्थ्य तथा जनसंख्या मन्त्रालयका प्रवक्ता डा. कृष्णप्रसाद पौडेलका अनुसार आइतबार ५१ जनाको मृत्यु भएको छ । योसँगै कोरोनाबाट मृत्यु हुनेको संख्या ८ हजार ७ सय २६ पुगेको छ ।

हालसम्म संक्रमित हुनेको संख्या ६ लाख ४७ हजार ६ सय ५१ रहेको छ । जसमा पीसीआरबाट ६ लाख २१ हजार ५६ तथा एन्टिजेनबाट २६ हजार ५ सय ९५ जना हुन् । त्यस्तै अहिलेसम्म निको हुनेको संख्या ५ लाख ५६ हजार ७ सय ९८ रहेको छ । हाल देशभर ५५ हजार ५ सय ३२ जना सक्रिय संक्रमित रहेका छन् ।