उपत्यकामा राति ८ बजेपछि सवारीसाधन चलाउन नपाइने

काठमाडौँ – कोरोना बढ्न थालेपछि उपत्यकामा निषेधाज्ञा केही कडाइ गरिने भएको छ । आज बसेको उपत्यकाका सिडिओहरूको बैठकले उपत्यकामा रातिको समयमा सवारीसाधन सञ्चालनमा रोक लगाउने निर्णय गरेको हाे । 

बिहीबारबाट लागू हुने गरी निषेधाज्ञा थप गर्दै प्रशासनले बेलुकी ८ बजेपछि सार्वजनिक तथा निजी सवारीसाधन सञ्चालनमा रोक लगाएको हो ।

काठमाडौँका प्रमुख जिल्ला अधिकारी कालिप्रसाद पराजुलीका अनुसार कोभिड–१९ भाइरसको संक्रमण बढ्दै जाँदा रात्रिकालीन समयमा हुने सवारीसाधनको आवतजावतमा कडाइ गरिएको हो । थप गरिएकाे निषेधाज्ञा भाद्र ८ गतेसम्म रहने छ ।