१,६७८ जना कोरोनामुक्त २,९७७ संक्रमित

काठमाडौँ – पछिल्लो २४ घण्टामा देशभर थप १,६७८ जना कोरोना मुक्त भएका छन् । त्यस्तै २,९७७ जना कोरोना संक्रमित थपिएका छन् । 

स्वास्थ्य तथा जनसंख्या मन्त्रालयका अनुसार १३ हजार ६ सय ९८ जनाको पीसीआर बिधिबाट र ३ हजार ६ सय १० जनाको एन्टीजेन विधिबाट गरी कुल १७ हजार ३ सय ८ जनाको कोभिड १९ परीक्षण भएको छ ।

मन्त्रालयका अनुसार सोही अवधीमा १८ जना संक्रमितको मृत्यु भएको छ । देशभर सक्रिय संक्रमितको संख्या २७ हजार ६ सय ६१ रहेको छ । देशभरका कोभिड अस्पतालका आइसीयूमा ६८२ र भेन्टीलेटरमा १७५ जना संक्रमित उपचाररत रहेको मन्त्रालयले जनाएको छ ।