भुटानी शरणार्थी शिविरमा कोरोनाका कारण १ जनाको मृत्यु

झापा – भुटानी शरणार्थी शिविर बेलडाँगीमा कोरोनाबाट थप १ जनाको मृत्यु भएको छ । 

मृतक बृद्ध रहेको भुटानी शरणार्थी महिला मञ्च केन्द्रीय कार्यालय बेलडाँगी स्वास्थ्य सहजकर्ताबुद्ध हाङ्ग राईले जानकारी दिए । मृतकको नोवेल अस्पताल विराटनगरमा उपचार भइरहेको थियो । उनलाई केही दिनअघि मात्र कोभिड अस्पताल दमकबाट थप उपचारको लागि रेफर गरिएको थियो । 

मृतक लामो समयदेखि दीर्घ रोगी सुगर, प्रसेर, लिवर फेल, पेरालाइसिश, थाइराइड जस्ता रोगबाट ग्रसित रहेको बताइएको छ । मृतककी श्रीमतीलाई पनि कोभिड संक्रमण पुष्टि भएर हाल कोभिड अस्पताल दमकमा उपचार भइरहेको जानकारीमा आएको छ।