जापानले नेपाललाई १६ लाख डोज खोप दिँदै

काठमाडौँ – जापानले नेपाललाई करिब १६ लाख डोज कोरोना खोप दिने भएको छ । जापानी राजदूतावासले प्रेस विज्ञप्ति जारी गर्दै नेपाललाई १६ लाख डोज खोप दिने बताएको हो । यसअघि जापानले नेपाललगायत एसियाली मुलुकहरूलाई १ करोड १० लाख डोज कोरोना खोप अनुदानमा दिने घोषणा गरेको थियो ।

जसमा नेपाललाई १६ लाख डोज खोप दिएको हो । जापानले एस्ट्राजेनेका र अक्सफोर्ड युनिभर्सिटीले विकास गरेको खोप नेपाललाई दिन लागेको हो । यो खोप कोभिशिल्ड खोपको पहिलो डोज लगाएका ज्येष्ठ नागरिकलाई पनि लगाउन मिल्छ ।

जापानी दूतावासका अनुसार खोप नेपाल एक महिनाभित्र आइपुग्ने छ । नेपालका लागि जापानी राजदूत युटाका किकुटाले खोप अनुदानमा दिने निर्णयले नेपाल र जापानको लामो समयदेखिको मैत्री सम्बन्ध झल्किएको बताएका छन् ।