थप ४३४८ कोरोनामुक्त, २६३६ संक्रमित

काठमाडौँ – पछिल्लो २४ घण्टामा थप ४ हजार ३४८ जना कोरोनामुक्त भएका छन् । त्यस्तै सोही समयमा थप २६३६ जनामा कोरोना संक्रमण पुष्टि भएको छ । 

स्वास्थ्य तथा जनसंख्या मन्त्रालयका अनुसार ११ हजार ७४८ जनाको परीक्षण भएकोमा पीसीआर विधिबाट ७ हजार २५९ र एन्टिजेन विधिबाट ४ हजार ४८९ जनाको परीक्षण भएको थियो । 

त्यस्तै सोही अवधिमा थप २० जनाको मृत्यु भएको छ । योसँगै देशभर कोरोना संक्रमितको कुल संख्या ६ लाख ३६ हजार ९१६ (पीसीआर) र ३३ हजार ९४१ (एन्टिजेन) जना पुगेको छ भने निको हुनेको संख्या ५ लाख ९२ हजार ५३५ पुगेको छ भने मृतकको संख्या ९ हजार ७१ पुगेको छ ।