५० वर्ष उमेर पुगेका र स्तनपान गराइरहेका नर्सले रात्रिकालीन ड्युटी गर्न नपर्ने

काठमाडौँ – स्वास्थ्य तथा जनसंख्या मन्त्रालयले ५० वर्ष उमेर पुगेका र स्तनपान गराइरहेका नर्सलाई २ वर्षसम्म अस्पतालमा रात्रीकालिन ड्युटी नगराउन पत्र काटेको छ। 

नेपाल नर्सिङ संघले २०७७ कात्तिक २६ गते नर्सिङ जनशक्तिको ड्युटी सम्बन्धमा आवश्यक पहल गर्न आग्रह गर्दै ५० वर्ष उमेर कटेका र स्तनपान गराइरहेका नर्सलाई दुई वर्ष रातिको ड्युटीमा नखटाउन आग्रह गरेको थियो भने स्वास्थ्य मन्त्रालयको नीति समन्वय समितिको गत चैत २३ गते बसेको बैठकले उक्त आग्रहलाई स्वीकार गरेर ५० वर्ष उमेर कटेका र स्तनपान गराइरहेका नर्सलाई २ वर्ष रात्रीकालिन ड्युटी नगराउने निणर्य गरेको जनाएको थियो।

मन्त्रालयले वैशाख ३० गते सम्बन्धित स्वास्थ्य संस्थालाई उक्त कुरा लागू गर्न जिम्मा दिएको छ।