थप २२४४ जना कोरोनामुक्त, ३०४२ संक्रमित

काठमाडौँ – पछिल्लो २४ घण्टामा नेपालमा थप २२४४ जना कोरोना संक्रमणमुक्त भएका छन् । त्यस्तै सोही अवधिमा ३०४२ जनामा कोरोनाभाइरस संक्रमण पुष्टि भएको छ ।

स्वास्थ्य मन्त्रालयका अनुसार १७ हजार ६५४ जनामा परीक्षण गर्दा सो संख्यामा संक्रमण पुष्टि भएको हो । त्यस्तै सोही अवधिमा २६ जनाको मृत्यु भएको छ । 

यससँगै देशभर कोरोना संक्रमितको कुल संख्या पीसीआर विधिबाट भएको परीक्षणमा ७ लाख ४४ हजार ३०७ र एन्टिजेन विधिबाट भएको परीक्षणमा ७९ हजार ३४० जना पुगेको छ। हालसम्म संक्रमितमध्ये ६ लाख ९३ हजार ५४३ जना संक्रमणमुक्त भएका छन् भने मृतकको संख्या १० हजार ४५५ पुगेको छ । 

हाल देशभर ४० हजार ३०९ जना सक्रिय संक्रमित रहेका छन् ।