पूर्व अर्थमन्त्रीहरूले भने, कामचलाउ सरकारले पूर्ण बजेट ल्याउन मिल्दैन

काठमाडौँ । पूर्वअर्थमन्त्रीहरू डा. प्रकाशचन्द्र लोहनी, डा. रामशरण महत, कृष्णबहादुर महरा, सुरेन्द्र पाण्डे र वर्षमान पुनले कामचलाउ सरकारले पूर्ण बजेट ल्याउन नमिल्ने बताएका छन् । 

आज बसेको पूर्वअर्थमन्त्री मञ्चको बैठकमा पूर्व अर्थमन्त्रीहरूले यस्तो बताएका हुन् । उनीहरूले हाल बहुमतको सरकार नरहेको, कामचलाउ सरकार रहेको, संसद् पुनःस्थापनाको मुद्दा सर्वोच्च अदालतमा विचाराधीन रहेको अवस्थामा पूर्ण बजेट ल्याउन नमिल्ने सुझाव सरकारलार्य दिएका हुन्। “विश्वव्यापी मान्यता र प्रचलनबमोजिम पनि यस्तो अवस्थामा पूर्ण बजेट ल्याउन नमिल्ने विषयलाई बैठकले जोड दिएको छ,” जारी विज्ञप्तिमा भनिएको छ ।

अध्यादेशमार्फत बजेट ल्याउनैपर्ने बाध्यता भए नियमित खर्च मात्रै गर्ने गरी कामचलाउ बजेट ल्याउन उनीहरूको सुझाव छ ।